नगरपालिकाको संक्षिप्त परिचय

भौगोलिक अवस्था :- संघिय लोकतान्त्रिक गणतन्त्र नेपालको प्रदेश नंं. ५ अन्तर्गत तराई क्षेत्रको बाके जिल्लाको उत्तर पश्चिम कुनामा अवस्थित कोहलपुर नगरपालिकाको पूर्वमा राप्तीसोनारी गाउँपालिका, पश्चिममा बैजनाथ  गाउँपालिका, उत्तरमा सल्यान जिल्लाको चुरे पहाड श्रृंखला पर्दछ भने दक्षिणमा जानकी गाउँपालिका र नेपालगञ्ज उपमहानगरपालिका पर्दछ । विं. स. २०७१ वैशाख २५ गतेको नेपाल सरकार मन्त्रिपरिषदको निर्णय बमोजिम विं. स.२०७१ ज्येष्ठ ७ गते औपचारिक रुपमा साविकको रझेना गाविस र कोहलपुर गाविसको समायोजन भै कोहलपूर नगरपालिकाको स्थापना भएको हो । यसपश्चात लोकतान्त्रिक गणतन्त्रात्मक राज्यव्यवस्था पश्चात स्थानीय तह पूर्नसंरचनाका लागि गरिएको निर्णयानुसार साविकको शम्सेरगञ्ज गाविसको समायोजन भैं १५ वटा वडा सहितको नगरपालिको प्रवद्धिकरण भएको हो ।चुरे पहाडको श्रृंखला संग जोडीएको यो नगरपालिका २८ डिग्री ७ मिनेट १२ सेकेण्ड देखी १८ मिनेट ५४ सेकेण्ड  उत्तर अक्षांस  तथा ८१ डिग्री ३८ मिनेट २४ सेकेण्ड  देखी ८१ डिग्री ४९ मिनेट ५१.६ सेकेण्ड  पूर्वि देशान्तरमा पर्दछ ।जिल्ला सदरमुकाम नेपालगञ्ज देखि १० कि.मि टाढा  उत्तरतर्फ रहेको यस नगरपालिकाको क्षेत्रफल १८४.२६ वर्ग कि.मी. रहेको छ । जातिय, धार्मिक, भाषिक, साँस्कृतिक, सामाजिक तथा राजनैतिक महत्व तथा विशेषता बोकेको यस कोहलपुरले आफ्नै खालको धार्मिक, राजनैतिक र सामाजिक महत्व र विशेषता बोकेको छ । 

सामाजिक अवस्था :- कोहलपुर न.पा. नेपालकै प्रगति उन्मुख नगर हो । जहाँ बिजुली, बत्ती, खानेपानी, बाटो घाटो, पुल, अस्पताल, विद्यालय उच्चशिक्षा खेलकुद लगायत सम्पूर्ण दृिष्टले सुसम्पन्न नगर हो । यहाँ मुख्य बसोबास थारु जातीको रहेता पनि सबै जातिको उपस्थित देखिन्छ । यहाँ विभिन्न जातजाति, धर्म सस्कृती मान्ने मानिसहरुको बसाेबास रहेको छ ।